හිමිනොවනා බව දැනුනත්…

රාම්, ඔයා හුඟක් දුර ගියාද ?

නෑ ජානු ! මම තාමත් ඔයා බැහැලා ගියපු තැන..

චිත්‍රපටියෙ නම 96′. බලපු කෙනෙක්ට නම් මේ දෙබස අමතක නැතුව ඇති.රාම්ට පාසල් කාලයෙ හිටිය හොඳම යෙහෙළිය, එකම ආදරවන්තිය ජානු. අවුරුදු ගණනාවකට පස්සෙ දෙන්නා මුණගැහෙනවා. අහන්න දේවල්, කියන්න දේවල් කොයිතරම් තිබුණත් කාලය ඒ දෙන්නට හරස්වෙනවා. තාමත් රාම් ජානුටත්, ජානු රාම්ටත් ආදරෙයි. ඒත් ආයෙ කවමදාකවත් ඒ ආදරේ කටින් පිටවෙන එකක් නැහැ. සමහර ආදර කතා එහෙමයි. අහිමි උනත් නිමාවක් තියන්න බැරි තැන් අනන්තයි..

මේ වගේම කතාවක් ඔබට තියෙන්න පුලුවන්. හැබැයි මේ කියන්න යන්නෙ වෙනස්ම දෙයක්. ජීවිතේ එකතැනකදි අපි තීරණයක් ගන්නවා අපිට මුණගැහෙන අය අතරින් මේ තමයි මගෙ හොඳම යාලුවා කියලා.තමන්ගැන හැමදේම කියන්න පුලුවන් කෙනෙක්, තමන්ගෙ හීන ගැන දන්න කෙනෙක්, තමන් බය මොනවටද කියන්න දන්න කෙනෙක් මෙන්න මේ හැමදේම දන්න කෙනා වෙන්නෙ ඔබේ හොඳම යාලුවා. බැරිවෙලාවත් වෙන ආදර සම්බන්ධයක් තිබුණොත් ඒ ගැන දැනෙන හැඟෙන දේත් කියන්නෙ මේ යාලුවට නේද ?
කාලයත් එක්ක මේ යාලුකම අස්සට ආදරේ රිංගනවා. වේදනාව පටන් ගන්නෙම එතනින්..
ආදරේ කියන්න ගිහින් යාලුකම නැතිවෙයිද හිත හිතම පිච්චෙනවා. අන්තිමේදි කොහොමහරි ” මම ආදරෙයි ” කියනවා.
දැන් ඔබට හිතෙනවා ඇති අනිත් අතට මමත් ආදරෙයි කිව්වානම් ප්‍රශ්නෙ ඉවරයි, ආදරේ නැ කිව්වොත් තමයි ප්‍රශ්නය කියලා.. ඒක එහෙම නෙවෙයි. ආදරේ නොකිව්වානම් උඹ මාසයක් දෙකක් අවුලෙන් ඉදලා ආයෙ යාලුවෙක් වගේ කතාකරන්න පටන්ගනී. හිතන්න තමන්ගෙ හොඳම යාලුවා තමන්ගෙ ආදරේ උනොත් …. ?

හොඳම යාලුවයි,ආදරෙයි අතර මහ වෙනසක් නෑ වගේ පෙනුනට ඒක එහෙම නෙවෙයි. හොඳම යාලුවා දවස ගානෙ ගෙදර එනවා යනවා උනත් ආදරේ හැමදවසෙම ගෙදර නවතින තැන දක්වාම එනවා. හොඳම යාලුවා එක්ක කාපු එක බත්පත දවසක උයාගන්න වෙන්නෙ ආදරෙත් එක්ක. වගකීම්, කැපවීම් එක්ක ආදරේ හරි බරට දැනෙනවා.යාලුකම තරම් නිදහසක් නොදැනෙද්දි ” යාලුවො වගේ හිටියනම් ” කියන හැඟීම ඔලුවට එනවා. ප්‍රශ්න, රණ්ඩු එන්නෙම එහෙම..

මේ ලෝකෙ ආදරවන්තයො සහ හොඳම යාලුවො කියලා දෙගොල්ලක් මවලා තියෙන්නෙ අන්න ඒ නිසාමයි..

ආදරවන්තයො ළඟ තියෙන්නෙ ආදර කතා
හොඳම යාලුවො ළඟ තියෙන්නෙ ආදරෙන් පිරුණු කතා

ඉතින් යාලුකමයි, ආදරෙයි පටලගෙන විඳවන්න එපා !

” හිමිනොවනා බව දැනුනත් වෙන්වීමක් නොමැතී.. “
ආදරණීය යාලුවෙක් වෙන්න !

නිශාරා සමාධි

Previous articleෆැන්ටසියට බනින ෆැන්ටසි රසිකයෝ
Next articleපිරිමි ඔක්කොම එකයිද ?

LEAVE A REPLY

Please enter your comment!
Please enter your name here